Greqia mbyll kufirin me Serbinë nga dita e hënë për shkak të rritjes së numrit të rasteve me koronavirus në shtetin fqinj.
Masa e pezullimit të përkohshëm do të jetë në fuqi deri në datën 15 korrik, datë në të cilën pritet të vendoset edhe hapja ose jo e kufirit me vendet e tjera fqinje të Greqisë, siç është Shqipëria dhe Maqedonia e Veriut.
Lajmi u njoftua nga zëvendës zëdhënësja e qeverisë, Aristotelia Peloni, e cila theksoi se Greqia ruan të drejtën të përshtasë politikat e saj sipas përshkallëzimit të situatës. Në çdo rast ka thënë ajo, Greqia mbetet vend mikpritës dhe tepër i sigurt për turistët që dëshirojnë të kalojnë pushimet në vend./Opinion.al
