Greqia ka prezantuar sot paketën shtesë financiare për të ndihmuar qytetarët për të përballuar situatën e krijuar nga koronavirusi.
Kryeministri grek, Kyriakos Mitsotakis ka deklaruar se për 750 mijë punonjës që nuk mund të punojnë do të ketë një asistencë nga shteti prej 800 eurosh.
Ndërkohë, 155 mijë qytetarë të cilët kanë më shumë se një vit që kanë humbur punën do të ketë një kompensim 400 euro.
Mitsotakis thekson se kjo paketë ekonomike është 24 miliardë euroshe nga të cilat 14 miliardë financohen nga buxheti i shtetit grek kurse 10 miliardë nga BE.
Ky do të jetë viti i recesionit të ekonomisë greke thotë Mitsotakis por 2021 për të është një rekuperim dhe ”boom” i ekonomisë greke.
Sa i përket bizneseve të cilat janë pezulluar tani prej masave të marra nga qeveria kjo paketë shtesë ekonomike i shtyn pagesat e tatimeve dhe kredive për një afat të dytë./ Opinion.al
