Një vajzë 1-vjeçare është dërguar e pajetë mbrëmjen e djeshme në spitalin e ishullit grek Kos.
Sipas informacioneve, nëna 24-vjeçare e fëmijës, e cila është rome, ka konstatuar në orën 19:45 të pasdites së djeshme se vajza e saj e mitur kishte humbur ndjenjat.
Më pas ajo u përpoq të ringjallte fëmijën duke bërtitur në të njëjtën kohë për ndihmë.
Rreth orës 20:15 nëna e fëmijës ka lajmëruar ambulancën dhe në të njëjtën kohë një tjetër qiramarrës ka ofruar ndihmën e parë. Në orën 20:25 mbërritën ekipet e shpëtimit, të cilët konstatuan se foshnja nuk merrte frymë dhe vazhduan me reanimimin e tij.
Mjekët më pas vunë re se foshnja kishte mavijosje dhe gërvishtje në pjesë të ndryshme të trupit dhe gjithashtu gjetën shenja të abuzimit seksual. Mjekët, sipas informacioneve, kanë njoftuar policinë, ku gjatë këqyrjes së trupit kanë konfirmuar edhe atë që kanë raportuar mjekët.
Nëna e foshnjës, e cila është shtatzënë dhe babai i tij u arrestuan. Prindërit kanë raportuar pranë autoriteteve se dëmtimet e foshnjës kanë ardhur ose nga goditjet e vëllait të saj 2-vjeçar, ose nga disa aksidente, ndërsa për gjurmët e abuzimit seksual janë shprehur se nuk dinë gjë.
Sot vajzës 1 vjeç do t’i bëhet autopsisë për të përcaktuar shkakun e vdekjes së saj. Hetimet paraprake vazhdojnë, ndërsa në banesën e familjes do të kryhet autopsia.
Policia ka marrë deklarata si nga fqinjët ashtu edhe nga mjekët. Vlen të theksohet se babai i fëmijës po hetohet nga autoritetet greke për pornografi.
Fqinjët që e njohin familjen thonë se babai ishte gjithashtu i përfshirë me drogë, duke rrahur gruan dhe fëmijët. Prindërit pretendojnë se fëmija është mbytur duke i dhënë qumështi teksa nëna po e ushqente, por askush nuk e beson këtë version.
