Situata e rëndë e zjarreve në Greqi ka sjellë shpërthime të vazhdueshme në depot e municioneve të Forcave Ajrore në Nea Aghialo.
Zyrtarët e Shtabit Ajror thanë se personeli që shërbente në depon e municioneve kishte arritur që të evakuuohej në kohë pa sjellë dëme në njerëz.
Shpërthimet u dëgjuan të enjten gjatë një zjarri aty pranë në një objekt municioni në qytetin bregdetar të Nea Aghialos në Greqinë qendrore, sipas TV zyrtar ERT. Depoja e municioneve i përkiste forcave ajrore greke.
Gjatë krizës së vazhdueshme të zjarreve të vendit, janë lëshuar urdhra evakuimi për një komunitet afër Volos, tha një zëdhënëse e shërbimit zjarrfikës.
“Një pjesë e magazinës së municioneve në kazermën e forcave ajrore në Nea Anchialos është në zjarr dhe ka ndodhur një shpërthim,” tha Yannis Artopios, duke shtuar se tre helikopterë dhe shtatë avionë ishin në vendngjarje për të shuar zjarret, të cilat ishin djegur që nga e mërkura.
Sipas informacioneve të Autoritetit Portual Qendror të Volos është organizuar një operacion evakuimi nga vendbanimet bregdetare me gomone të ekipit grek të shpëtimit si dhe ato private për të përcaktuar nëse ka persona që nuk kanë arritur të largohen nga zona për shkak të zjarreve që kanë mbërthyer vendin./Opinion.al
