Policia greke ka goditur një rrjet prostitucioni dhe ka arrestuar katër persona, që dyshohet se shfrytëzonin për prostitucion vajza 14 dhe 15-vjeçare.
Sipas mediave greke në mesin e vajzave të mitura, 7 prej tyre janë shqiptare, të cilat janë detyruar të kryenin prostitucion në Greqi.
Për këtë rast janë arrestuar dy femra 25 dhe 21 vjeç dhe dy meshkuj 25 e 54 vjeç, të gjithë greke ndërsa në dosjen e çelur nga autoritetet greke janë përfshirë edhe 6 persona të tjerë.
Vajzat e mitura shfrytëzoheshin për prostitucion në hotele në qendër të Athinës.
Njëra nga 25-vjeçaret e arrestuara drejtonte rrjetin dhe grupin e vajzave. Sipas mediave greke ajo është arrestuar edhe më parë për trafik droge. Prej verës së vitit të shkuar, ajo kishte rekrutuar 7 vajza të mitura, të cilat kishin mbushur moshën 14 vjeçe.
Për “shërbimet” e saj 25-vjeçarja thuhet se merrte zakonisht nga 50 deri në 100 euro në varësi të parave që merrnin të miturat (200-400 euro), ndërsa shumë herë ajo vepronte edhe si shoqëruese, duke i çuar vetë vajzat në takime./Opinion.al
