Policia greke ka goditur një grup trafikimi ndërkombëtar të lëndëve narkotike që operonte nga Shqipëria në Greqi. Grupi trafikonte marijuanë përmes kufirit greko-shqiptar në Igumenicë dhe me pas e transportonte në Athinë. I njëjti grup kryente dhe shpërndarjen e marijuanës por edhe drogave të forta në vende të ndryshme të Greqisë, raporton Balkanweb.
21 shtetas shqiptarë dhe grekë janë arrestuar gjatë operacionit në qytete të ndryshme të Greqisë.
Janë sekuestruar ndërkohë 142.5 kg marijuanë, 3.3 kg kokainë, 1 pistoletë dhe 16.756 euro. Më parë nga ky grup janë sekuestruar 140 kg marijuanë, 650 gram kokainë dhe 400 gram heroine. Llogaritet që prej shtatorit të 2018-ës, grupi ka arrituyr të trafikojë dhe të shesë rreth 500 kg marijuanë, 6 kg kokainë dhe 1 kg heroinë.
Rreth 840 kg lëndë narkotike që vinte nga Shqipëria janë sekuestruar në Greqi, prej janarit 2019./E.L
