Greqia ka njoftuar se në 24 orët e fundit janë regjistruar 858 raste të reja me koronavirus, prej të cilave 11 janë identifikuar pas kontrolleve në pikat kufitare në hyrje të vendit.
Autoritetet shëndetësore njoftojnë se numri i përgjithshëm i rasteve është 154083, nga të cilat 52.1% janë burra.
Në 24 orët e fundit janë regjistruar gjithashtu 32 viktima si pasojë e COVID-19. Mosha mesatare e qytetarëve që kanë humbur jetën, bëhet me dije se është 79-vjeç dhe 95.4% kishin sëmundje bashkëshoqëruese.
Sipas të dhënave, 274 persona po trajtohen me terapi intesive në spitale. Mosha e tyre mesatare është 69-vjeç./Opinion.al
