Janë publikuar pamjet e para të operacionit për kapjen e dy gomoneve të cilat transportoni lëndë narkotike.
Në pamjet e publikuara nga mediat helene shihen trafikantët të cilët janë dorëzuar, ndërsa përball tyre qëndrojnë forcat e armatosura të policisë greke.
Brenda bordit të gomones ndodhen tre persona, ku nga raportimet e deri tanishme personat e arrestuar janë 2 shqiptarë dhe 1 italian.
Më herët mediat greke raportuan se dy gomonet të cilat transportonin lëndë narkotike ishin nisur nga Shqipëria, por pak minuta më vonë reagoi policia shqiptare e cila u shpreh se nuk është avërtet që gomonet janë nisur nga Shqipëria.
Ndërkohë, në njoftimin e saj Policia e Shtetit konfirmoi se në pranga kanë rënë dy shqiptarë dhe një shtetas italian./ Opinion.al E.Xh.
