Prej disa ditësh Greqia është goditur nga një seri tërmetesh, ndërsa nuk ka munguar dhe moti i keq, me erëra të forta dhe reshje shiu.
Sipas mediave helene, pas tërmetit të rënë në zonën e Karpathos, moti i keq ka përfshirë qytetin e Xanthit, duke shkaktuar panik te qytetarët.
Nga reshjet e dendura të shiut, rrugët e qytetit janë përmbytur totalisht, duke bllokuar kështu gjithë qytetin.
“Protothema” ka raportuar se reshjet janë shoqëruar dhe me breshër, por deri më tani nuk ka shkaktuar dëme të mëdha.
Moti i keq, ngjalli panik te qytetarët, pasi vetëm pak javë më parë një stuhi me erë të fortë dhe reshje të shiu goditi gadishullin turistik të Halkidikit në Greqi, duke lënë të vdekur shtatë turistë./ Opinion.al E.Xh
