22 persona janë arrestuar si pjesë e një grupi kriminal të trafikut ndërkombëtar të drogës në Greqi.
Sektori i luftës kundër krimit të organizuar të Athinës, vuri në pranga 22 persona, 11 grekë dhe 11 të huaj mes tyre edhe shqiptarë.
Operacioni po zhvillohet prej ditës së djeshme në ishullin Zakynthos, por arrestime ka pasur edhe në Athinë dhe Pyrgo.
Mësohet se operacioni është kryer nga 20 agjente civilë të anti-krimit të organizuar.
Ndërkaq, bëhet me dije se kjo organizatë ka arritur të sjellë në ishull 700 kg marijuanë.
Operacioni po vijon ndërkohë, ndërsa të arrestuarit do të çohen në prokurori në orët në vijim./Opinion.al
