Bletarët e shtetit grek kanë zgjedhur të protestojnë me koshere jashtë parlamentit.
Siç raportojnë mediat greke, bletarët ankohen për konkurrencë të pandershme dhe për cilësinë që kanë produktet e huaja.
“Ne jemi këtu për të protestuar për mjaltin e importuar që po importohet nga kufijtë, që shitet si mjaltë grek në supermarkete.Po importohen kaq shumë ton mjaltë dhe rezultati është që çmimet tona janë shumë të ulëta. Pyjet po digjen, tregu është i vështirë, ne jemi gati të lëmë punën”, u shprehën protestuesit.
Protesta e bletarëve vjen dy ditë pasi fermerët grekë sollën traktorët e tyre në qendër të Athinës në shenjë proteste duke akuzuar qeverinë e cila nuk po merr masat e duhura mes rritjes së kostove të energjisë dhe prodhimit, por edhe konkurrencës.
