Një tjetër vendim i ashpër është marrë nga autoritetet në Teheran, ku tashmë asnjë grua që është veshur pa hixhab nuk do të lejohet që të futet në metro.
Mediat iraniane shkruajnë se ekipet e zbatimit do t’i ndalojnë ata që nuk mbajnë shaminë islame të hipin në bord.
Kjo do të ketë pasoja për gratë që përdorin metronë çdo ditë për të shkuar në punë, por refuzojnë të mbajnë shaminë islame që mbulon kokën dhe qafën duke e lënë fytyrën e një gruaje në pamje të plotë.
Ndërkohë, kompania menaxhuese e metrosë së Teheranit kishte njoftuar se “në përputhje me kërkesat e popullit iranian për temën e hixhabit” do të nisë një projekt rikujtues audio për gratë që lëvizin nëpër stacionet e metrosë.
Masoud Darshti, shefi ekzekutiv i Kompanisë Operative të Metrosë, kishte njoftuar stafin e tij të zbatojë çdo urdhër të policisë, por shtoi se ai ende nuk e kishte marrë personalisht udhëzimin zyrtar.
Rregulla të ndryshme janë vendosur në stacione dhe qytete të ndryshme, me raste të shfaqura në mediat sociale të grave të pambuluara tashmë të ndaluara në qytete të tilla si Isfahani. Qeveria tha të shtunën se planifikonte të instalonte kamera në rrugë dhe të përdorte kamerat ekzistuese të trafikut për të zbuluar gratë që nuk respektojnë kodin e veshjes dhe se do të vendoseshin gjoba.
Masa që do të zbatohet nga e shtuna e ardhshme kishte për qëllim “parandalimin e rezistencës kundër ligjit të hixhabit”, thuhet në deklaratën e policisë, të përcjellë nga media të tjera shtetërore.
Gjykatësi ka thënë se është i gatshëm të vendosë gjoba prej 1 milion tomanësh (190 £) për gratë që dërgohen në gjykatë për mosmbajtjen e hixhabit. Makinat në të cilat gratë nuk janë të veshura me hixhab do të konfiskohen për 20 ditë nëse shoferi i makinës ka kryer shkeljen dy herë./Opinion.al
