Mund të mendohet se sektori i kromit dhe puna në minierë është një punë që kërkon vetëm forcën mashkullore.
Megjithatë gratë në këto foto, të cilat punojnë çdo ditë në mjediset e minierës së kromit në Bulqizë, që administrohet nga kompania AlbChrome, tregojnë se përkujdesja dhe dashuria si gra apo nëna për fëmijët dhe bashkëshortët e tyre, nuk kufizohet vetëm brenda mureve të shtëpisë, por edhe në punën e tyre të përditshme si profesioniste pranë galerisë.
Profilet e tyre variojnë nga seleksionuese të mineralit, inxhiniere të cilësisë, avolozhuese elektromotorësh, tornitore, mjeke, garderobiste dhe sanitare, etj, që me shembullin e tyre luftojnë çdo paragjykim dhe kufi.
Në minierën e Bulqizës, numri i grave të punësuara është 10% i totalit të të gjithë punonjësve.
Por AlbChrome ka rreth 100 gra të punësuara në të gjitha njësitë e tij.
Gratë në këtë shkrim janë përzgjedhur për t’i përgëzuar për punën e tyre të fisme dhe plot përkushtim, me rastin e 8 marsit, që është edhe dita që përkon me festën e tyre ndërkombëtare.
Një urim i veçantë shkon për to dhe të gjitha gratë e tjera në Bulqizë dhe jo vetëm!
Sa i takon punës së tyre por edhe të të gjithë minatorëve të tjerë, mund të thuhet se që nga viti 2013, më shumë se 2 milion dollarë në investime janë bërë për të përmirësuar kushtet e sigurisë teknike në galerinë qendrore të Bulqizës.
Mesatarisht, kryhen 6 inspektime të hollësishme në javë në secilën njësi në lidhje me zbatimin e rregullores së sigurisë teknike.
AlbChrome ka sot 1106 punonjës nga 841 para administrimit të saj. Duke filluar nga 1 maji 2020, të gjithë mbi 600 minatorët e kësaj kompanie në Bulqizë kanë njohur rritje të pagave nga 10% në 13%.
Brenda vitit 2021 nis hapja dhe zhvillimi i vendburimit të Qafë Buallit, investim prej rreth 15 milionë dollaresh i Albchrome, i cili do të sigurojë 200 vende të reja pune për Minatorët e Bulqizës.
