Granit Xhaka u prezantua zyrtarisht si blerja e parë e Arsenal për merkaton e verës. Klubi londinez e dha njoftimin në faqen zyrtare të tij të shoqëruar edhe me deklaratat e para të mesfushorit me prejardhje shqiptare. Për afrimin e 23-vjeçarit i janë paguar Borussia Monchengladbach rreth 45 milionë euro, sipas asaj që shkruhet në mediat angleze.
Granit Xhaka firmosi një kontratë deri në 2021 dhe do të përfitojë 7 milionë euro në sezon. Këto shuma e bëjnë lojtarin më të shtrenjtë shqiptar dhe me pagën më të lartë.
Xhaka është shprehur i lumtur për transferimin në Premier League një kampionat ku mund të shprehë aftësitë e tij. Granit Xhaka e nisi karrierën me Basel në Zvicër ku aktualisht luan vëllai më i madh Taulanti./Klan
