E kishte shprehur edhe vetë më parë se po haste vështirësi të ambientohej në Premierleague, por duket se Granit Xhaka, po e arrin këtë ngadalë, por me hapa të sigurt.
Në fitoren e një dite më parë të Arsenalit me West Bromwich Albion, mesfushori me origjinë shqiptare, ka qenë në qendër të aksioneve të skuadrës së Wenger.
Statistikat e nxjerra nga e kopmania OptaSports, tregojnë se Granit Xhaka ka bërë gjatë kësaj ndeshjeje 142 pasime në total. 95% e tyre të sakta, 134, janë pothuajse sa gjithë pasimet që ka kryer e gjithë skuadra e West Bromwich që ka realizuar 166 të tilla.
I transferuar nga Bundesliga për 30 milionë pound Granit Xhaka po fiton mbështetës nga ndeshja në ndeshje.
Vëllai i lojtarit të kombëtares shqiptare, Taulantit, është vlerësuar edhe nga klubi për paraqitjen në sfidën e fundit të Premier League. /Tv Klan
