Një ngjarje e rëndë ka ndodhur mbrëmjen e sotme në Uzinën e përpunimit të armëve në Gramsh.
Sipas News 24, dy shtetas rus kanë sulmuar ushtarakët e kësaj uzine.
Të njëjtat burime bëjnë me dije se tre orë më parë, këta shtetas rusë kanë hyrë në uzinën e Gramshit dhe ushtarakët që kanë qenë në ruajtje pasi i kanë pikasur kanë dalë për t’i ndaluar. Në këtë moment, shtetasit rusë kanë hedhur në drejtim të tyre mjete djegëse dhe lëndë kimike duke i dëmtuar ata.
Bëhet me dije se njëri prej autorëve është arrestuar, ndërsa autori tjetër ka arritur të arratiset.
Ndërkohë, ushtarët e uzinës kanë marrë lëndime në fytyrë dhe trup.
Fillimisht, ata kanë qenë të shtruar në spitalin e Gramshit dhe më pas janë dërguar në Tiranë për një mjekim më të specializuar. Momentalisht, News 24 raporton se ata ndodhen në gjendje të mirë shëndetësore, pavarësisht dëmtimeve të shumta që kanë marrë./Opinion.al
