Dy persona kanë tentuar të vjedhin paratë e pronarit të një pike këmbimi valutor në “Rrugën e Barrikadave” në Tiranë. Kambisti ka pasur në dorë një çantë me para, ndërsa dy personat e kanë goditur me levë hekuri duke e lënë të plagosur.
Njëri prej grabitësve është arrestuar në flagrancë nga një patrullë rrugore, ndërsa tjetri ka arritur të largohet. Mësohet se efektivët e policisë kanë arritur të marrin çantën e lekëve, duke ia rikthyer pronarit.
Kambisti ka qenë duke dërguar paratë në bankë siç bënte çdo mëngjes, ndërsa autorët i kanë ditur paraprakisht lëvizjet e tij./Opinion.al
