E mitura që arriti t’i vidhte biznesmenit qindra mijëra euro nga banesa arriti që të siguronte çelësin e shtëpisë, duke i bërë një kopje.
Sipas hetimeve, kushërira e saj punonte si pastruese në banesën e biznesmenit, dhe e mitura, pa dijeninë e kushërirës, kishte arritur që t’ia merrte çelësin për ta kopjuar.
Një muaj para vjedhjes, e mitura ka shkuar te banesa e kushërirës dhe pa dijeninë e saj i ka marrë çelësin e banesës ku ajo punonte prej disa vitesh.
Duke përfituar nga largimi nga banesa e kushërirës, minorenia i ka bërë një kopje çelësit.
Menjëherë ajo ka vënë në dijeni të dashurin e saj Kristjan N.
Disa ditë më vonë, i pandehuri Kristjan N. bashkë me të pandehurin Elton Muça ka rënë dakord për të kryer vjedhjen.
Ata kanë shkuar në një ditë kur e dëmtuara nuk ka qenë në banesë dhe kanë vjedhur rreth 15.000 euro, një iPad, një laptop, një telefon celular me “touch” dhe shtatë të tjerë të thjeshtë.
Pas disa ditësh, ata kanë vënë në dijeni 16 vjeçaren E. T. Për vjedhjen, si dhe i kanë dhënë asaj disa rroba që ia kishin blerë me paratë e vjedhura.
Sipas gjykatës, e pandehura E. T. nuk ka kallëzuar vjedhjen, por ka pranuar edhe veshjet e blera. (Panorama)
