Ministri i Brendshëm, Sandër Lleshaj, ka reaguar pas grabitje së ndodhur ditën e sotme në Rinas, ku mbeti i vrarë dhënjë nga autorët.
Lleshaj i është përgjigjur Partisë Demokratike duke thënë se partia anti-parlamentare sulmon policinë. Ministri thekson se lufta ndaj krimit nuk do të ndalet nga askush.
“Edhe në momentin e një përplasjeje me armë të Policisë së Shtetit me një grup të armatosur kriminal, zëdhënësi/sekretari i një partie antiparlamentare sulmon ….. Policinë!!! Megjithatë të gjithë shqiptarët janë në krah të Policisë së Shtetit në luftën e përbashkët kundër krimit të organizuar. Kjo luftë nuk mund të ndalet nga askush!”,shkruan Lleshaj.
Më herët, Sekretari i Pergjithshëm i PD Gazment Bardhi, tha se policia është e angazhuar kundër qytetarëve duke i hapur rrugën grabitjeve me armë në zonën më të sigurt në vend.
“Kur Policinë e angazhon kundër qytetarëve, që mbrojnë strehën e fëmijëve të tyre apo protestojnë kundër Qeverisë, me vetëdije i hap rrugën grabitjeve me armë në zonën më të sigurt në vend (brenda perimetrit te sigurisë në Aeroportin e Rinasit) apo vrasjeve të tipit mafioz në zonat më të populluara.
Është çështje prioriteti! Edi Rama ka prioritet luftën me qytetarët dhe jo luftën me krimin.
Me 13 Prill, protestojmë edhe për të kthyer Policinë e Shtetit në krye të detyrës, për t’u shërbyer qytetarëve dhe jo banditëve e grabitësve në pushtet. “-shkruan ai./ Opinion.al E.Xh.
