Një operacion masiv është duke u kryer mesditën e sotme nga Policia e Tiranës e ndihmuar nga FNSH dhe RENEA për kapjen e autorëve të grabitjes së 3.2 milionë USD të BKT-së.
Operacioni nga ajri dhe toka po kryhet në zonën e Prezës dhe Vorës.
Makina që transportonte paratë e bankës drejt Rinasit u grabit 5 ditë më parë në Qafë Kashar. Dyshohet se kanë marrë pjesë 6 persona, të cilët pasi grabitën paratë dogjën dy makina dhe u larguan me mjete të tjera.
Aktualisht për ngjarjen janë arrestuar në akuzën e shpërdorimit të detyrës, grupi shoqërues i parave të një kompanie private sigurimi dhe drejtori teknik i saj. Po kështu mbahet në qeli edhe një i dyshuar si bashkëpunëtor i grabitësve. /Opinion.al
