Detaje të reja janë zbardhur lidhur me tentativën e grabitjes me armë zjarri të një banese në fshatin Prush të Tiranës. Autorët e armatosur në momentin që janë konstatuar nga policia, kanë qëlluar me armë zjarri në drejtim të tyre dhe efektivët u janë kundërpërgjigjur.
Nga të shtënat me armë nuk ka persona të lënduar. Ndërkohë, autorët kanë mundur të largohen nga vendi i ngjarjes me një makinë tip “Audi” me targë AA 943 SG. Nga verifikimet, rezulton se targa është e vjedhur nga një tjetër makinë tip “Benz”.
Sipas të dhënave, autorët e ngjarjes janë larguar me këtë automjet në drejtim të Liqenit të Thatë. Ndërkohë, policia ka ngritur disa pika kontrolli dhe po punon për identifikimin dhe arrestimin e grabitësve./ Opinion.al
