Tre ditë pas grabitjes së BKT në qendër të Tiranës, në zonën e Bllokut, janë arrestuar dy persona. Policia bën të ditur se është nxjerr urdhër arresti për drejtorin e këtij filiali, Luigj Gjonaj dhe shefin e sigurisë së filialit të BKT, Florian Skarra. Ata akuzohen për shpërdorim detyre.
Grabitësit janë ende të paidentifikuar nga policia. Ata përdorën një skemë “ndryshe”, duke shembur murin për tre netë me radhë.
Autorët kanë përdorur një godinë ngjitur bankës, e cila më parë ka qenë kazino, por që për momentin nuk përdorej. Ata kanë mundur të çajnë murin në tre pozicione të ndryshme duke mbërritur deri tek kasaforta prej çeliku e bankës.
Dyshohet se grabitësit kanë arritur të marrin 20 milionë lekë (të reja). Ekspertët kanë sekuestruar pamjet e kamerave të sigurisë. Dyshimet e policisë janë se personat mund të kenë pasur bashkëpunëtorë brenda bankës. /Opinion.al
