Ka shkuar në 6 numri i personave të arrestuar për grabitjet e makinave të bankave në Qafë Kashar. Sot u kap një tjetër pjestar i familjes Kupa teksa tentonte të ikte në Kosovë. Policia tha se është arrestuar Dash Kupa, 41 vjecc në Pikën e Kalimit Kufitar Morinë. Ai dyshohet se është përfshirë në grabitjet me armë të vlerave monetare në rrugën e Rinasit, tha policia. Dash Kupa është shoqëruar në Drejtorinë Vendore të Policisë Tiranë.
Ndërkohë, në Gjykatën e Krimeve të Rënda ka nisur seanca për masën e sigurisë ndaj të arrestuarit të pestë si anëtar të kësaj bande, Admir Çerpja, i cili u kap të premten e javës kaluar.
Ndërsa 4 të tjerët, Fatjon Xhyliu, Neim Avdylaj, Ernest Kupa dhe Ditjon Memlika u arrestuan pak ditë më parë në Tiranë dhe janë nën masën “arrest me burg”.
Grabitësit kane vepruar me role të ndara dhe si një grup i strukturuar kriminal ka thënë policia e cila thotë se ka fakte për grabitjet e 2015 dhe 2017 në Qafë Kashar.
Në kërkim është dhe Admir Murataj (Nika) që cilësohet si organizator i grupit bashkë me Cerpjen. /Opinion.al
