Një ditë pas grabitjes me armë të 3,8 milion eurove gjatë transportit të tyre drejt aeroportit të Rinasit, hetuesit thanë se automjeti i blinduar në cilën ndodheshin paratë nuk duhet të ndalonte , pasi kjo gjë është e shkruar në rregullore.
Kjo sipas prokurorëve është shkelja e parë që kanë kryer personat e arrestuar.
Pas këtij momenti autorët të cilët kanë qënë pesë të veshur me uniforma policie kanë thyer me mjete të forta xhamat e mjetit të blinduar. Në kërcënimin e armëve ata kanë marrë thasët më para.
Më pas janë larguar me mjetin e tyre në drejtim të rrugës dytësore përgjatë autostradës Tiranë-Durrës dhe pranë urës së Limuthit e kanë djegur makinën. Nga veprimet e para hetimore dyshohet se makina është hedhur në erë me një sasi lënde eksplozivi.
Nga marrja në pyetje e personave të arrestuar rezulton se autorët kanë qënë nga veriu i shqipërisë . Prokurorët kanë kërkuar nga policia kamerat e sigurisë së bizneseve që ndodhen në zonë për të parë nëse përfitohen elementë të vlefshëm për hetimin. Dyshohet se autorët mund të jenë larguar në drejtim të Fushë-Krujës ,por ende nuk ka një asnjë person të shoqëruar si i dyshuar për ngjarjen. /Tv Klan
