(Foto ilustruese)
Një çift të moshuarish është grabitur në banesë në orët e para të mëngjesit të sotëm në periferi të Durrësit.
Burime nga policia thanë se ngjarja ka ndodhur rreth orës 03:00 në Shkallnur, ku tre persona me kapuç kanë vjedhur me dhunë në banesën e shtetasit me iniciale M.E., 77-vjeç.
Mësohet se gjatë grabitjes, autorët kanë lidhur M.E dhe bashkëshorten e tij Sh.E., 69-vjeçe dhe kanë marrë një sasi parash rreth 100.000 lekë (të reja).
Pasi morën paratë, keqbërësit u larguan në drejtim të paditur
M.E. ndodhet në Spitalin Rajonal Durrës jashtë rrezikut për jetën.
Me të marrë njoftim, menjëherë në vendngjarje kanë shkuar efektivet e Policisë, të cilët kanë shoqëruar disa persona.
Veprimet hetimore po kryhen në bashkëpunim me Prokurorinë e Rrethit Gjyqësor Durrës me qëllim identifikimin dhe kapjen e autorëve.
