Kalimtarë dhe klientë të një dyqani bizhuterish kanë përjetuar panik këtë të martë, ku persona të armatosur kanë grabitur dyqanin në qendrën tregtare.
Mediat raportojnë se grabitësit arritën të marrin bizhuteri dhe ora me vlerë në një dyqan bizhuterish në qendër të kryeqytetit francez.
Nga hetimet paraprake mësohet se kanë qenë 3 persona të armatosur që kanë hyrë me forcë në dyqanin e brandit Piaget, i vendosur në Rue de la Paix në Paris.
Grabitësit, dy burra dhe një grua zhvatën bizhuteri e stolitë e argjendarisë që kapnin vlerën e 15 milionë eurove.
Grabitja ndodhi në Piaget, në një lagje të njohur në Paris. Në momentin e grabitjes ka pasur edhe klientë që ndodheshin brenda argjendarisë. Autorët nën kërcënimin e armës kanë arritur të marrin gjithçka deshën.
Mediat raportojnë se ende nuk dihet identiteti i grabitësve./Opinion.al
