Policia e Shtetit ka finalizuar operacionin e koduar “Credit Card Fraud”, duke arrestuar 2 shtetas rumunë si dhe duke proceduar penalisht një tjetër. Në pranga kanë rënë shtetasit A. B., 37 vjeç, dhe C. M., 41 vjeç, banues në Rumani. Këtyre të fundit iu janë sekuestruar karta krediti të klonuara dhe pajisje të tjera që shërbenin për klonimin e kartave.
Një bankë shqiptare e nivelit të dytë ka bërë kallëzim penal se në ATM-të e saj persona të paidentifikuar kanë përdorur 10 karta të klonuara kanadeze dhe të Britanisë së Madhe, dhe kanë bërë disa veprime të dyshimta.
Nisur nga kallëzimi i bërë, policia vëzhgoi pamjet filmike dhe sistemin e hyrje daljeve, që çuan në identifikimin e rumunëve.
Materialet i kaluan Prokurorisë për veprime të mëtejshme për veprën penale “Mashtrimi kompjuterik”, kryer në bashkëpunim”./Opinion.al
