Një kambisti i janë grabitur 50 mijë euro në qytetin e Fierit. Ngjarja ka ndodhur më 11 shkurt por nuk është raportuar nga policia me justifikimin se kjo mund të dekonspironte operacionin për kapjen e autorit.
Mediat raportojnë ndërkohë se një shtetas që ishte prezantuar si azerbajxhanas në një pikë këmbimi donte të këmbente një shumë dollarësh me 50 mijë euro.
Këtu ndodh një episod “i çuditshëm” pasi kambisti shpërqendrohet në një moment. Grabitësi përfiton dhe zbraz valixhen me 50 mijë euro duke e lënë bosh.
Në këtë moment ai është larguar duke thënë se do të shkonte në bankë të merrte dollarët me të cilët do blinte eurot. Por ngjarja është kuptuar vetëm 15 minuta më pas nga kambisti, i cili ka bërë denoncim në polici.
Kamerat e sigurisë të kqyrura nga policia tregojnë një burrë rreth të 60-ave dhe me pak mjekër, i cili futur në pikën e këmbimit valutor me kapele në kokë, ndërsa mban dhe syze./Opinion.al
