Arrestohet një 22- vjeçar nga Maliqi, pasi ka vjedhur në dy lokale si dhe ka dhunuar gjyshen e tij.
Uniformat blu bëjnë me dije se kanë arrestuar shtetasin me iniciale A.Sh. 22 vjeç, pasi rezulton se ka grabitur në dy lokale të qytetit të Korçës, dy celularë, një shumë parash dhe një palë çelësa automjeti.
Gjithashtu policia dyshon se ky shtetas ka ushtruar dhunë psikologjike ndaj gjyshes së tij.
”Specialistët për Hetimin e Krimeve të Komisariatit të Policisë Korçë, në bashkëpunim me shërbimet e Komisariatit të Policisë Maliq, arrestuan në flagrancë shtetasin A. Sh., 22 vjeç, banues në fshatin Vashtëmi, Maliq, pasi nga veprimet hetimore rezulton se ky shtetas ka vjedhur në dy lokale në qytetin e Korçës, dy celularë, një shumë lekësh dhe një palë çelësa automjeti. Gjithashtu, dyshohet se 22-vjeçari ka ushtruar dhunë psikologjike ndaj gjyshes së tij”, tha policia.
Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme.
