Kur dëgjon të përmenden ishujt Maldive, menjëherë të kujtohen plazhet e bukura në Oqeanin Indian. Por ky shtet me një sipërfaqe gati 300 km/2 ka edhe një përfaqësuese futbolli, që edhe pse renditet në vendin e 160 në klasfikimin e FIFA-s ka lojtarë, të cilët japin spektakël në fushë. Kapiteni Ali Ashfaq realizoi një gol të jashtëzakonshëm në fitoren 3 – 1 me Butanin, në Kupën e Azisë së Jugut që po zhvillohet në Indi.
Sulmuesi i cili luan në Superligën e Malajzisë shmangu 5 kundërshtarë përpara se të shënonte golin, që siguroi përfundimisht suksesin e Maldiveve në këtë kupë, që e ka fituar në vitin 2008.
Ali Ashfaq është një nga shënuesit më të mirë të rajonit të Azisë së Jugut që mbledh kombëtare të një niveli të ulët ku Afganistani është përfaqësuesja më në formë.
