Kombëtarja shqiptare e futbollit e nisi me fitore ndeshjen e parë për kualifikueset e Botërorit.
Ndeshja Shqipëri-Maqedoni që u luaj në stadiumin Loro Boriçi përfundoi me rezultatin 2-1. Bekim Balaj ka shënuar golin e avantazhin në pjesën e mbetur të ndeshjes Shqipëri-Maqedoni. Pas një goditje dënimi, Memushaj i dha një top të bukur në zonë dhe Balaj e devijoi me kokë drejt portës.
Më pas, Armando Sadiku kishte mundësi të shënonte edhe golin e tretë pas një kundërsulmi të shpejtë të tanëve, por gjuajtja e sulmuesit përfundoi fare pranë shtyllës së majtë….
Kujtojmë se ndeshja u ndërpre mbrëmë në minutën e 77 pas një rrebeshi shiu në Shkodër. Armando Sadiku kishte shënuar i pari, pas një pasimi të artë nga Elseid Hysaj. Pas pushimit mes dy pjesëve Maqedonia barazoi rezultatin.
Një gabim i Burim Kukelit i dha mundësinë lojtarit me prejardhje shqiptare Ezgjan Alioski të mposhte mbrojtjen dhe portierin Etrit Berisha. Reshjet e forta të shiut e shtynë përballjen, por kuqezijtë nuk e humbën shpresën.
Ekipet zbritën sërish sot në fushën e “Loro Boriçit”, në orën 14:00, në një atmosferë të vakët me pak tifozë në stadium, kjo mbase dhe nga koha e papërshtatshme.
Teksa luhej pjesa e mbetur e ndeshjes, goli i shkodranit Bekim Balaj, në minutën e 89’ hapi festën në “Loro Boriçi”. Ai i dha fitoren Shqipërisë, e cila arriti të marrë 3 pikët e para në kualifikueset e Botërorit. Ndeshja e radhës e Kombëtares do të jetë më 6 tetor me Lihtenshtejnin. /Opinion.al
Lexo edhe:
http://opinion.al/flet-bekim-balaj-ja-pse-nuk-mund-ta-falja-maqedonine-ne-shkoder/
http://opinion.al/shenoi-golin-per-maqedonine-alioski-kombetarja-shqiptare-skuader-e-forte/
http://opinion.al/ja-cfare-tha-giani-de-biazi-pas-fitores-me-maqedonine/
Video e golit:
][\\[ by hqfootball2016
/Opinion.al
