Menjëherë pas nisjes së ndeshjes, Nedim Bajrami ka kaluar Shqipërinë në avantazh ndaj Italisë.
Shqipëria sot ka nisur rrugëtimin në Euro 2024, përballë Italisë, në ndeshjen që luhet në stadiumin e Dortmund, “Signal Iduna Park”.
Bajrami ka realizuar golin më të shpejtë të Europianit, vetëm 24 sekonda pas fillimit të ndeshjes. Fantazisti përfiton nga një gabim në mbrojtje dhe ia del të shënojë për t’i dhënë avantazhin kuqezinjve.
Në ndeshje zyrtare, Shqipëria dhe Italia, janë përballur mes tyre në katër raste, ku axurët kanë fituar në të katërta rastet. Gjithashtu, italianët kanë shënuar 7 herë, kundrejt vetëm një goli të Shqipërisë.
