Policia e Tiranës thotë se kanë qenë qytetarët ata që kanë denoncuar fillimisht 4 të arrestuarit për trafik droge: Leonard Duka, 33 vjeç; Dritan Agaj, 38 vjeç; Oltian Logaj, 38 vjeç dhe Elvis Gaçaj, 44 vjeç.
Policia ka ushtruar kontroll në banesën me qera ku katër të arrestuarit jetonin, pasi dispononte nga qytetarët informacion se mbanin në banesë sende të kundraligjshme.
Gjatë kontrollit të ushtruar ata janë munduar të largojnë sendet e kundraligjshme duke hedhur një pjesë të tyre nga ballkoni i banesës.
Policia sekuestroi në cilësinë e provës materiale:
– Një mjet të blinduar
– Një armë zjarri pistoletë me krehër me fishekë;
– 46 fishekë luftarak, si dhe doza me lëndë narkotike kanabis./Opinion.al
