Prokurori i SPAK, Vladimir Mara, ka bërë të ditur se hetimet e fundit kundër krimit të organizuar kanë zbuluar raste të ushtrimit të ndikimit të paligjshëm ndaj zyrtarëve shtetërorë, si dhe raste korrupsioni brenda strukturave të Policisë së Shtetit.
Sipas tij, janë evidentuar raste konkrete që përfshijnë dy punonjës të Policisë së Shtetit, ku njëri prej tyre mbante pozicion të rëndësishëm brenda strukturës, dhe është konstatuar bashkëpunim me pjesëtarët e një grupi kriminal. Ndërsa rasti tjetër ka të bëjë me një akt korrupsioni në Policinë Kufitare në Portin e Durrësit.
“Kemi pasur disa episode të ushtrimit të ndikimit të paligjshëm ndaj zyrtareve shtetërore. Për të cilat ne do kemi edhe një hetim më të thelluar. Kemi pasur dy punonjës të policisë së shtetit, njëri prej tyre në një pozicion të rëndësishëm. Në njërin rast kemi pasur bashkëpunim me pjesëtarët e grupit kriminal dhe në rastin tjetër kemi pasur një rast korrupsioni në policinë kufitare të portit të Durrësit.
Sa i përket personave që janë ekzekutuar masat e sigurimit, për sa kohë janë pjesë e organizatave kriminale roli i tyre është i rëndësishëm.
Kemi masa sigurimi të vendosura nga GJKKO për korrupsion zyrtarë shtetërorë dhe një avokat. Gjithashtu janë ekzekutuar vendime të gjykatës lidhur me sekuestrimin e pasurive që dyshohet se rrjedhin nga aktiviteti kriminal.”, tha Marra
