Enea Bekteshi ka dalë sot para togave të zeza në Gjykatën e Krimeve të Rënda. Ai dyshohet se është personi që goditi me Audi të blinduar makinën e policisë në Elbasan mbrëmjen e 18 Shtatorit. Bekteshi e ka pranuar autorësisë gjatë seancës për masën e sigurisë dhe ka deklaruar se ka goditur pa dashje makinën ku gjendej zv/drejtori i policisë Gjergji Oshafi.
“Nuk kisha qëllim të godisja policisë. Doja vetëm të largohesha nga frika e të shtënave me armë. U qëllua në drejtimin tim, mund të isha vrarë. Pa makinën e blinduar, mund të mos isha gjallë. Hyra në tregun ushqimor për t’u shpëtuar plumbave…”, ka thënë ai.
Në emisionin Opinion, dy javë më parë u publikuan pamjet ekskluzive të atentatit në Elbasan ku një makinë e blinduar në pronësi të biznesmenit Petrit Cela goditi makinën e policisë ku brenda saj ndodhej Gjergji Oshafi, numri II i policisë së Elbasanit. Pamjet hodhën dritë mbi ngjarjen që policia po përpiqej ta mbante sa me diskrete.
/Opinion.al
