Arrestohen 4 shtetas dhe procedohet penalisht një tjetër, të akuzuar për vepra të ndryshme penale.
Policia e Tiranës bën me dije se ka arrestuar 20 vjeçarin A.B. i cili për motive të dobëta ka plagosur me mjet prerës 18 vjeçarin me iniciale E.T.
“A. B., 20 vjeç, banues në Tiranë, pasi ka goditur me mjet prerës, për motive të dobëta, shtetasin E. T., 18 vjeç, banues në Tiranë, i cili ndodhet në spital, në kujdesin e mjekëve”, thuhet në njoftimin e policisë.
Ndërkohë 2 persona të tjerë, shtetasit F. T., 32 vjeç, dhe A. H., 40 vjeç, të dy banues në Tiranë janë arrestuar pasi kanë vjedhur targat e një automjeti dhe më pas janë larguar pa kryer pagesën pas furnizimit të automjetit, në një pikë karburanti.
Uniformat blu kanë vënë gjithashtu në pranga shtetasin K. Sh., 21 vjeç, pasi pas verifikimeve të kryera ka rezultuar se i riu kishte thyer masën e sigurisë “Arrest në shtëpi”. /Opinion.al
