Policia e Malësisë së Madhe ka vënë në pranga një 52-vjeçar i cili akuzohet se ka goditur me lopatë në kokë një shtetas, pas një konflikti për motive të dobëta.
Uniformat blu bëjnë me dije se kanë arrestuar shtetasin P. Z., 52 vjeç, pasi dyshohet se ditën e djeshme në vendin e quajtur “Badra e Mehajve”, Koplik, pas një konflikti të çastit për motive të dobëta, ka goditur me lopatë në kokë shtetasin A. K., 56 vjeç, banues në Koplik.
Sipas informacioneve zyrtare, 56-vjeçari i dhunuar ndodhet në spital dhe është jashtë rrezikut për jetën.
“Shërbimet e Komisariatit të Policisë Malësi e Madhe, menjëherë pas marrjes së njoftimit, ditën e djeshme, për një konflikt në Koplik, kanë organizuar punën, kanë mbërritur në vendngjarje dhe në bashkëpunim me specialistët për Hetimin e Krimeve të DVP Shkodër, kanë kapur dhe vënë në pranga shtetasin P. Z., 52 vjeç, banues në fshatin Reç, Malësi e Madhe.
Nga veprimet e para hetimore, dyshohet se 52-vjeçari, ditën e djeshme, në vendin e quajtur “Badra e Mehajve”, Koplik, pas një konflikti të çastit, për motive të dobëta, ka goditur me send të fortë (lopatë) në kokë, dhe i ka shkaktuar dëmtime të rënda, shtetasit A. K., 56 vjeç, banues në Koplik.
56-vjeçari merr asistencë mjekësore në spital dhe është jashtë rrezikut për jetën”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Plagosja e rëndë me dashje”./Opinion.al
