Një 35-vjeçar është vënë në pranga nga policia në Dibër, pasi goditi me grusht një punonjës policie.
Mësohet se pas vendosjes së një gjobe për parkim të gabuar, 35-vjeçari ka goditur me grusht punonjësin e Drejtorisë Vendore të Policisë Dibër.
“Specialistët për Hetimin e Krimeve të Komisariatit të Policisë Dibër arrestuan në flagrancë shtetasin E. Ç., 35 vjeç, banues në Peshkopi, pasi gjatë veprimeve procedurale për vënien e një mase administrative, për parkim të gabuar, ka goditur me grusht, një punonjës të Drejtorisë Vendore të Policisë Dibër”, njofton policia.
Materialet procedurale iu referuan Prokurorisë pranë Gjykatës të Shkallës së Parë të Juridiksionit të Përgjithshëm Dibër, për veprime të mëtejshme./Opinion.al
