Prokuroria e Tiranës, nis hetimet ndaj drejtorit të Teatrit Kombëtar Hervin Çuli për “goditjen për shkak të detyrës” ndaj gazetarit të ABC News, Eni Shehu.
Me referimin e materialit hetimor nga policia e shtetit, drejtuesi i Prokurorisë së Tiranës ka caktuar prokurorin Adriatik Camaj për hetimin e ngjarjes së dhunshme të drejtorit Çuli ndaj gazetarit Shehu. Mësohet se për llogari të hetimit është marr në pyetje drejtori Çuli i cili ka mohuar dhunën.
Por pavarësisht deklaratës së tij, janë ekspertët e Institutit të Mjekësisë Ligjore të cilët në raportin e tyre kanë konstatuar dëmtime në trupin e gazetarit Shehu si pasojë e dhunës së drejtorit Çuli. Ky raport, tashmë është administruar në dosjen e prokruorisë së bashku me provat e tjera shkresore.
Sipas prokurorisë, dosja ndodhet në fazën e mbledhjes së provave dhe deklarimeve të dëshmitarëve që kanë qenë në teatër në momentin e dhunës së ushtruar nga drejtori Çuli. Burimet thonë se i janë dërguar flet-thirrje dëshmitarëve të ndryshëm, mes tyre edhe zëvendësdrejtorit të teatrit e disa aktorëve si dhe përfaqësuesve të mediave që ishin ftuar për të pasqyruar premierën e shfaqjes ku regjisor ishte vet drejtori Hervin Çuli.
Ngjarja për të cilën ka nis hetimet organi i akzuës, ka ndodhur mbrëmjen e datës 15 janar brenda ambienteve të Teatrit Kombëtar.
Në kallëzim thuhet se drejtori Çculi pa paralajmërim ka ushtruar dhunë ndaj gazetarit Shehu, i cili disa herë në punën e tij të përditshme ka denoncuar në media mënyrën abuzive të drejtimit të institucionit nga drejtori Çuli dhe përzgjedhjen selektive të aktorëve dhë mënyrën e ndarjes së fondeve të institucionit// ABC NEWS
