Është goditur një organizatë kriminale e kultivimit të marijuanës në Spanjë.
Mediat spanjolle shkruajnë se organizata vepronte në disa degë, përkatësisht në Katalonjë, Valencia dhe Navarra.
Sipas informacioneve nga policia, bëhet me dije se në total janë arrestuar 31 persona pjesë të kësaj organizatë, të përfshirë në trafikun e drogës.
Autoritetet spanjolle thonë se vlera e marijuanës në treg mund të arrijë deri në 1.000.000 euro.
Hetimi për këtë bandë ka nisur në vitin 2022. Ndërsa theksohet se drejtohej nga një çift shqiptarësh ende të paidentifikuar./Opinion.al
