Një i ri 18 vjeçar ka rënë e dhunës dhe grabitjes ditën e djeshme në një nga zonat me të frekuentuara të kryeqytetit, në zonën e ish-Bllokut.
Sipas njoftimit të policisë dyshohet se dy shtetasit A.Z. dhe E.E., të dy 26 vjeçar kanë goditur dhe grabitur me pas të riun që ishte duke ecur në rrugën “Ibrahim Rrugova”.
Agresorët i kanë marrë të riut telefonin dhe dy bizhuteri. Përveç kësaj, ata e kanë kanosur duke i kërkuar një sasi lekësh.
Grabitja ka ndodhur gjatë ditës së shtunë, dhe Policia po punon për kapjen e dy autoreve dhe zbardhjen e plotë të rrethanave të ngjarjes.
Komunikata e Policisë:
Më datë 05.11.2016, u referuan materialet në Prokurorinë e Rrethit Gjyqësor Tiranë dhe punohet për kapjen e shtetasve A.Z dhe E.E, vjeç 26 e 26, banues në Tiranë, pasi dyshohet, në rrugën “Ibrahim Rrugova”, kanë goditur me grusht, i kanë marrë 1 telefon dhe 2 bizhuteri, shtetasit F.Sh, vjeç 18, banues në Tiranë, dhe e kanë kanosur duke i kërkuar një sasi lekësh. Nenet 90 dhe 109/b të Kodit Penal.
