Komisariati i Policisë Nr.5 ka goditur një grup hajdutësh nga Kamza të cilët hidhnin disqe makinash dhe mjete pune të cilat më pas i shisnin në treg.
Në pranga kanë rënë Ardit Elezi, 21 vjeç, banues në Kamëz dhe Adrian Prela, 19 vjeç, banues në Kamëz. Në kërkim janë shpallur edhe tre persona të tjerë, pjesë e kësaj bande. M. Gj. ,34 vjeç, banues në Valis Kamëz, L. E.,28 vjeç, banues në Kamëz, D. T., 22 vjeç, banues në Valias-Kamëz.
“Këta shtetas në bashkëpunim me njëri-tjetrin vidhnin sende të ndryshme, goma automjetesh me gjithë disqe, vegla pune dhe i shisnin ato në treg me qëllim përfitimi vlerash monetare. Gjatë kontrollit të ushtruar në banesën e shtetasve Adrit Elezi dhe L. E., janë gjetur e sekuestruar në cilësinë e provës materiale sendet e vjedhura: Goma automjetesh me gjithë disqe, trapan, sharra, etj”, njoftoi policia.
Po kështu u gjeten dhe sekuestruan maska dhe armë që kishin përdorur gjate vjedhjeve.
