Policia e Vlorës kanë arrestuar dy vëllezër pasi kanë goditur me grushte dhe me mjet prerës (thikë), një 33-vjeçar. Mësohet se ngjarja ka ndodhur gjatë një konflikti të çastit për motive të dobëta.
Pas njoftimit për një konflikt mes disa shtetasve, në lagjen “Partizani”, policia ka ndërhyrë menjëherë për parandalimin e përshkallëzimit të konfliktit.
Si rezultat i veprimeve janë kapur dhe shoqëruar në Komisariat, 2 autorët e dyshuar shtetasit L. M., 25 vjeç dhe G. M., 25 vjeç (vëllezër), të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin O. R., 33 vjeç, banues në Vlorë.
Shtetasi O. R. ndodhet në spital, jashtë rrezikut për jetën.
Në drejtimin e Prokurorisë, vijon puna hetimore për sqarimin e rrethanave të ngjarjes./Opinion.al
