Familjet mafioze të Palermos dhe New York vazhdojnë të kenë një bashkëpunim të fortë ndërmjet tyre përsa i përket aktivitetit kriminal.
Kjo gjë është konfirmuar nga një operacion i ndërmarrë së fundmi nga autoritetet italiane dhe FBI. Ai kishte në fokus goditjen e klanit Inzerillo në Palermo dhe familjen Gambino në New York.
Sipas hetuesve italianë mbi 200 policë janë angazhuar në këtë operacion, përfshi edhe agjentë të FBI. Deri tani janë lëshuar 19 urdhra arresti ndaj personave të dy familjeve mafioze të cilat po përpiqeshin të ri-ngrinin bazën e pushtetit të tyre në Sicili.
Policia tha se personat e arrestuar të mërkurën përballen më një sërë akuza, si pjesëmarrje në aktivitete mafioze, rrëmbime, mashtrim, gjobvënie dhe konkurrencë të padrejtë. Mes të arrestuarve janë Francesco e Tommaso Inzerillo, vëllai ai Totuccio Inzerillo, bosi i vrarë nga korleonezët dhe Salvatore Gambino, kryebashkiak i Torretës, në Palermo. Gjithashtu u sekuestruan pasuri që kapin vlerën e 3 milion eurove.
Që prej vdekjes në burg të Toto Riinës në 2017, krimi i organizuar i “Cosa Nostra” ka qenë i pasigurt në veprimet e tij sipas hetuesve.
Kujtojmë rritja e pushtetit të Riinës detyroi familjen Inzerillo të arratisej në Shtetet e Bashkuara
Që prej atëherë familja është përpjekur të rifitojë terrenin e humbur nëpërmjet lidhjeve me familjet mafioze amerikane. /Opinion.al
