Për kundërshtaren e tij në garën presidenciale, Hillary Clinton, kandidati Donald Trump ka shkelur ligjet amerikane, pasi ka anashkaluar embargon tregtare me Kubën.
“Newsweek” raportoi më herët se një kompani e Trumpit kishte bërë në mënyrë të fshehtë biznesin në Kubë, në kohën kur ndaloheshin marrëdhëniet e tregtisë me vendin komunist. Pretendonet se kompania në fjalë ka shpenzuar atje në vitin 1998 të paktën 68 000 dollarë.
“Mësuam se fundi mbi përpjekjet e tij për të bërë biznes me Kubën, çka duket se përbën shkelje të ligjit amerikan dhe një tallje me politikën e jashtme të Shteteve të Bashkuara. Kjo i shtohet listës së gjatë të veprimeve dhe deklaratave që ngrenë pikëpyetje të mëdha mbi temperamentin e këtij njeriu dhe kualifikimin e tij për të qenë president e komandat i Forcave të Armatosura”, tha Clinton.
Menaxherja e fushatës së Trumpit, Kellyanne Conway këmbënguli se ato para’ nuk janë dhënë asnjëherë dhe se miliarderi ishte kundër marrëveshjeve me Kubën.
