Zbulohen detaje të reja për policin e komisariatit nr.2 në kryeqytet i cili arriti t’i shpëtonte policisë e të braktiste makinën me gati gjysmë ton drogë.
Burime policore shprehet se bashkë me inspektorin e policisë S.O. ishte edhe një miku i tij, i cili është kapur nga policia. 40-vjeçari me inicialet B.H., banues në Gjirokastër, u arrestua në flagrancë këtë të premte.
Polici nga Tirana mësohet se braktisi në orët e para të ditës së sotme makinën e mbushur me drogë në afërsi të Fushë-Krujës, kur kuptoi që po ndiqej nga policia, ndërsa miku i tij nga Gjirokastra është kapur mat.
421 kilogramët hashash u kapën gjatë kontrollit në dy makina në fshatin Thumanë.
Policia thotë gjithashtu se ka njoftuar Drejtoria e Përgjithshme e Standarteve Profesionale, e cila ka bërë pezullimin e menjëhershëm nga detyra dhe nisjen e ecurisë disiplinore për shkelje të rëndë.
