Gjysma e Tiranës nga qendra në periferi është pa energji elektrike prej më shumë se dy orësh dhe nuk dihet se kur do të rikthehet.
Kështu pa drita është një pjesë e zonës së Bllokut, Rruga e Elbasanit, Tirana e Re, Sauku, Liqeni i Thatë, Paskuqani, etj.
OSHEE në një reagim për mediat tha se janë dëmtuar fiderat (kabujt) nga subjektet e treta. “Firmat që punojnë për Bashkinë e Tiranës në infrastrukturën publike kane dëmtuar dy fidera njëri qe furnizon zonen e Stadiumit Qemal Stafa dhe nje pjese te rruges se Elbasanit. Po kështu është dëmtuar një fider tjeter qe mbulon me energji zonen e Tiranës se Re dhe Bllokut.
Po kështu edhe në Kamëz, firma te kontraktuara nga bashkia kanë dëmtuar fiderin që furnizon me energji zonen e Paskuqanit. Pa energji është edhe zona e Liqenit te Thate , Kopshti Botanik dhe Sauku. Grupet e OSHEE jane duke punuar”, njofton OSHEE.
Operatori i Energjisë thotë se po punohet por nuk jep asnjë afat se për sa kohë riparohen defektet që kanë lenë mijëra banorë të kryeqytetit dhe biznese pa furnizim me energji.
/Opinion.al
