Mbrëmja e sotme ka qenë e shënuar për Elis Bakajn, i cili ka djegur shaminë e beqarit, duke u lidhur në martesë me partneren e tij prej shumë vitesh, rumunen Andrea Aleksandra. Ndonëse kampionati bjellorus vazhdon aktualisht, futbollisti shqiptar ka marrë disa ditë leje për të ardhur në Tiranë e për të festuar me miq e shokë këtë eveniment.
Në banket kanë qenë të ftuar shumë prej bashkëlojtarëve përkrah të cilëve Bakaj ka luajtur gjatë viteve në Shqipëri. Futbollistë nga skuadra të ndryshme të Superiores kanë hedhur në rrjetet sociale foto e video nga dasma e sulmuesit i cili që nga shkurti është transferuar në Bjellorusi, për të luajtur me skuadrën e Shakhtor Soligorsk. /vipsport.al/
