Gjobat që kanë marrë bizneset nga tatimet kanë njohur rekord. Po kaq i lartë është edhe numri i ankimuesve tek Avokati i Tatimpaguesve. Gjobat e ankimuara arrijnë një vlerë prej 117 milionë eurosh. Kjo vlere eshte dy here me e larte krahasuar me nje vit me pare. Bëhet fjalë për gjobat e vendosura gjatë vitit 2015 kur Qeveria i shpalli luftë informalitetit.
Në raportin e Drejtorisë së Apelimit Tatimor, vetëm 3.3 për qind e gjobave u shfuqizuar, ndërsa mbi 60% e gjobave dhe penaliteteve u refuzuan të ankimohen. Në pjesën dërmuese të rasteve, Drejtoria e Apelimit Tatimor i ka dhënë të drejtë administratës tatimore.
Vala e re gjobave të Tatimeve ka përfshire rreth gjysmën e bizneseve të vogla.
Penaliteti me vlerë 10 mijë lekë është vendosur për mosdeklarim në afat të punonjesve tek Tatimet. Por ky vendim pritet të shfuqizohet. Ministri i Financave tha pak dite më parë se do të çojë në Kuvend propozimin për heqjen e kësaj gjobe.
