Gjyshja me shami të bardhë në kokë, fotoja e së cilës shkaktoi zemërim në rrjetet sociale një ditë më parë, pas gjobës që mori nga policët bashkiakë sepse po shiste në një cep pallati erëza, qep dhe spinaq, shfaqet sërish në një tjetër foto, por këtë herë, duke puthur kreun e Bashkisë së Tiranës, Erion Veliaj. Fotografia më poshte, është postuar nga vetë krebashkiaku në profilin e Facebook.
Por ajo që bie në sy është emri i zonjës, që nuk po merret vesh se si e ka. Dje, Bashkia e Tiranës publikoi një foto të gjobës që kishte paguar Veliaj, në emër të saj. Aty shkruhej se emri i zonjës ishte Xhevrije Mici. Por, Veliaj sot në postimin e tij, thotë se ka qenë me nënë Zylen në treg.
Ja çfarë shkruan Veliaj në postimin e tij në Facebook: Me nënë Zylen në treg! Një qytet i mirë ka vend për të gjithë, edhe për ambulantet edhe për banorët! Të parët me tregje higjenike jo në rrugë, të dytët me trotuare e shkallë të lira për në pallat! I vendosur që Tirana të mos jetë pazar mesjetar, por secili të ketë mundësinë për tregti e banim pa penguar tjetrin! 16 tregjet e administruara nga Bashkia Tiranë kanë taksa 0! Ndërkohë në qytet ka dhe 30 tregje të tjera publikoprivate me pagesa minimale! Gjithashtu, dyshime për emrin e nënës ngre edhe Ervin Salianji i PDsë, i cili në profilin e tij në Facebook gjithashtu ka postuar disa foto nga takimi që ka bërë me nënën e gjobës. Edhe ai e quan Zyle gruan e cila po bëhet kaq e famshme në rrjetet sociale.
Ja çfarë shkruaj Salianji: Ne kerkim te nenes “se gjobes” Zyle Lami! Qeverisin pa mend por edhe pa shpirt. Sot gjithe diten bashke me nje grup miqsh shkuam ne fshatin Mazreke per te kerkuar dhe per te ndihmuar modestisht nene Zylen qe u be e njohur nga gjoba e djeshme e Erion Veliajt. Varferia qe detyron nene Zylen dhe burrin e saj Bakiun per te marre rrugen drejt Tiranes 30 min ne kembe dhe 30 me autobus per te shitur 200 deri 500 lek mall ne dite ska nevoje te pershkruhet. Po aq e madhe sa varferia dhe skamja ishte dinjiteti i kesaj familje e cila pavaresisht se sot ishte therrit ne zyre nga Veliaj per shoë mediatik nuk pranon lemoshen e tij por kerkon pune me dinjitet. Me tregoi tre gjoba qe kishte paguar kete muaj, dy nga 500 lek ne emrin e saj dhe nje 1000 lek ne emer te Baki Lamit bashkeshortit te saj. Shqiperia solidare eshte Shqiperia qe ndihmon me te dobetit, qe keshillon kur gabon per mbijetese, qe perkrahet kur kerkon te jetoje me pune dhe dinjitet, qe nuk goditet dhe fundoset per shown eKryebashkiakut dhe Kryeministrit. Ka ardhur koha per solidaritet me njeritjetrin! Pushteti dhe krimi jane solidare me njeri tjetrin, pushteti RamaVeliaj eshte dhe me i rrezikshem se pushteti kriminal se po i merr shpirtin atyre qe skane as buke ne sofrat e tyre. Ndërsa me fotot e saj, nga irritimi i djeshëm, duket se po kthehet në një lojë teatri, përdorimi i imazhit të saj, një herë me njërin, dhe një herë me tjetrin.
